Bugun Toshkent, Samarqand, Jizzax, Sirdaryo viloyatlarining ayrim joylarida va Fargʻona vodiysi viloyatlarida kunning ikkinchi yarmida qisqa muddatli yomgʻir yogʻishi, momaqaldiroq boʻlishi mumkin. Bu haqida Oʻzgidromet xabar berdi.

Respublika boʻyicha shamol 7-12 m/s tezlikda esadi, baʼzi joylarda esa 15-20 m/s gacha kuchayishi, ayrim joylarda chang-toʻzonlar bilan kuzatilishi mumkin.

Harorat 27-32 darajada boʻladi.

Poytaxtda ham biroz qisqa muddatli yomgʻir yogʻishi mumkin. Shamol 3-8 m/s tezlikda esadi va 10-12 m/s gacha kuchayishi mumkin. Harorat 27-29 darajada boʻladi.