“Tashabbusli byudjet”ga ovoz yigʻishga majburlash holatlari boʻyicha shu kunga qadar jami 39 ta shikoyat kelib tushgan. Bu haqida Iqtisodiyot va moliya vazirligi xabar berdi.

Maʼlum boʻlishicha, bunda eng koʻp murojaat Fargʻona(7 ta), Toshkent(6 ta), Namangan(5 ta) va Jizzax(5 ta) viloyatlaridan kelib tushgan.

Sohalar kesimida esa quyidagicha:

▪️ umumtaʼlim maktablari boʻyicha — 19 ta;

▪️ tibbiyot tashkilotlari boʻyicha — 16 ta.

Xabarda taʼkidlanishicha, kelib tushgan barcha murojaatlar koʻrib chiqish uchun tegishli tuman (shahar) Xalq deputatlari Kengashlariga yuboriladi.

Agar holat oʻz tasdigʻini topsa, mazkur loyihalar ovoz berish bosqichidan chetlatiladi yoki gʻoliblar roʻyxatidan chiqarilishi mumkin.