Yelmuratov Uchqun Fayzullayevich Uchquduq tumani hokimi vazifasiga tayinlandi.

Tayinlov Navoiy viloyati hokimining 2024-yil 26-avgustdagi 241-5-0-Q/24- sonli qaroriga asosan amalga oshirilgan.

Uchqun Yelmuratov 1986-yilda Konimex tumanida tavallud topgan. Maʼlumoti oliy. 2007-yilda Toshkent moliya institutini hamda 2012-yilda Oʻzbekiston Respublikasi Prezidenti huzuridagi Davlat va jamiyat qurilishi akademiyasi qoshidagi oliy biznes maktabini tamomlagan.

U tayinlovga qadar “Agrobank” ATB Navoiy viloyati boshqarmasi boshligʻi vazifasida faoliyat yuritib kelayotgan edi.