Oʻzbekistondan keltirilgan qovun navlari Turkiya yerlarida sermahsul natija berdi. Bu haqda Anadolu agentligi xabar berdi.

Turkiyaning Malatya shahri, Darende tumanidagi mahalliy dehqonlar sinov tariqasida oʻzbek qovun urugʻlarini ekkan. Dehqon Huseyn Kilichning maʼlum qilishicha, 2 gektar maydonga ekilgan urugʻ tuproqqa yaxshi moslashib, serhosil boʻlgan. Qovun navining taʼmi va shirasi dehqonlarni hayratda qoldirgan.

“Bahorda ekilgan oʻzbek qovun urugʻlaridan bu qadar natija boʻlishini kutmagan edik. Bu bugunga qadar ekkan qovunlarimizdan ancha ustun natija berdi. Uning oz nordonligi va shiraliligi biz uchun juda yoqimli” – deydi dehqon.