Ozarbayjon Respublikasi rahbari​ Bosh vazir Abdulla Aripov hamrohligida “Yangi Oʻzbekiston” bogʻiga tashrif buyurdi.

Oliy martabali mehmon “Yangi Oʻzbekiston” bogʻidagi Mustaqillik monumenti poyiga gul qoʻydi.

Majmua bilan qisqacha tanishuv asnosida Ozarbayjon Respublikasi delegatsiyasi vakillariga mazkur ansambl mazmuni va meʼmoriy yechimlari haqida maʼlumot berildi.

“Yangi Oʻzbekiston” bogʻi va Mustaqillik monumenti erkinlikning oʻttiz yilligiga bagʻishlab bunyod etilgan.

Delegatsiya aʼzolari majmuada aks ettirilgan allomalar, buyuk sarkarda va jahongirlar, jadidlarning siymolariga alohida eʼtibor qaratdi.