Toshkent metrosida qizga teginib, shahvoniy shilqimlik qilgan erkak uch sutkaga qamaldi. Bu haqda “Daryo” nashri xabar berdi.

Ma’lum bo‘lishicha, 26-iyul kuni fuqaro “Amir Temur” bekati elektropoyezdi ichida qizning belidan past qismini ushlab unga shahvoniy shilqimlik qilganlikda ayblangan. Sud majlisida huquqbuzar o‘z aybiga iqrorligini, qizga teginib ketgani, biroq bu kabi harakatni qasddan qilmaganini bildirib, suddan unga nisbatan yengillik berishni so‘ragan.

Fuqaro Ma’muriy javobgarlik to‘g‘risidagi kodeksning 411-moddasi 1-qismida nazarda tutilgan huquqbuzarlikni sodir qilganlikda aybdor deb topilgan va unga ushbu moddaga asosan uch sutka ma’muriy qamoq jazosi tayinlangan.