Mustaqillik bayrami va “Sharq taronalari” XIII xalqaro musiqa festivali munosabati bilan Samarqand — Toshkent — Samarqand yoʻnalishida qoʻshimcha yoʻlovchi poyezdlar harakati yoʻlga qoʻyiladi, deya xabar bermoqda “Oʻztemiryoʻlyoʻlovchi”.

Qoʻshimcha “Afrosiyob” elektropoyezdi 25-avgust kunidan 3-sentyabr kunigacha harakatlanadi.

Ularning jadvali quyidagicha:

• 775-sonli “Samarqand — Toshkent” yoʻnalishi: Samarqand 11:11 — Toshkent 13:26;
• 776-sonli “Toshkent — Samarqand” yoʻnalishi: Toshkent 13:51 — Samarqand 16:05.

Qoʻshimcha maʼlumotni Toshkent shahridagi 1005 qisqa telefon raqami, joylardagi temiryoʻl chiptaxonalari hamda maʼlumotlar byurosidan olish mumkin. Chiptalarni elektron tarzda ushbu havola orqali xarid qilish imkoni ham mavjud.