BMTning uy-joy huquqi bo‘yicha maxsus maʼruzachisi Balakrishnan Rajagopal 19–30-avgust kunlari O‘zbekistonga tashrif buyuradi, deb xabar bermoqda “Dunyo” axborot agentligi.

Ma’lum qilinishicha, Balakrishnan Rajagopal tashrifi davomida milliy qonunchilikda va amaliyotda uy-joy huquqini himoya qilish va amalga oshirish, jumladan, uy-joyning arzonligi hamda yaroqliligi, xizmatlardan foydalanish imkoniyatini va majburiy ko‘chirishni o‘rganib chiqadi.

U O‘zbekiston tomonidan uy-joy huquqidan mamlakatdagi barcha aholi guruhlari foydalanishi uchun ko‘rilayotgan chora-tadbirlarni tahlil qiladi. Shuningdek, Maxsus maʼruzachi iqlim inqirozining uy-joy huquqiga bo‘lgan taʼsirini va aholining uy-joy masalalari va shaharsozlik bo‘yicha qarorlar qabul qilinishida ishtirok etishi masalalarini o‘rganadi.

Tashrif davomida BMT maʼruzachisi Toshkent, Jizzax, Samarqand va Buxoro kabi shaharlarga va ular yaqinidagi tumanlarga, jumladan, talabalar turarjoylari va oilada turli murakkabliklarga uchragan yoki boshpanasiz qolgan shaxslar uchun mo‘ljallangan yashash manzillariga borishi kutilmoqda. Bir qancha rasmiy uchrashuvlar, fuqarolik jamiyati va biznes doiralar vakillari bilan muloqotlar ham rejalashtirilgan.

Tashrif yakunida BMTning maxsus maʼruzachisi matbuot anjumani o‘tkazadi.

Ekspert 2025-yilning mart oyida BMTning Inson huquqlari bo‘yicha kengashiga tashrifi to‘g‘risida hisobot taqdim etilishi kutilmoqda.