Oliy Majlis Senatining ellik beshinchi yalpi majlisida huquq-tartibot organlari xodimlarining foto va videolarini ularni obroʻsizlantirish maqsadida internetda tarqatishni taqiqlovchi qonun senatorlar tomonidan maʼqullanmadi.

Xabarga koʻra, hujjat qayta koʻrib chiqish uchun qaytarilgan.

Taʼkidlanishicha, “Yoʻl harakati xavfsizligi tizimi takomillashtirilishi munosabati bilan Oʻzbekiston Respublikasining Jinoyat, Jinoyat-protsessual kodekslariga hamda Oʻzbekiston Respublikasining Maʼmuriy javobgarlik toʻgʻrisidagi kodeksiga qoʻshimcha va oʻzgartirishlar kiritish haqida”gi qonunida huquq-tartibot idoralari xodimlari faoliyatiga oid tasvirlarni “obroʻsizlantirish maqsadida” tarqatganlik uchun jazo belgilash va javobgarlikka tortish nazarda tutilgan.

Yakunda maʼqullanmagan va va qaytarilgan hujjatni qayta qoʻrib chiqish uchun endi parlament palatalarining kelishuv komissiyasi tuziladi.