14-avgust kuni Novosibirskdan ota-ona qaramogʻisiz qolgan bir guruh Oʻzbekiston bolalari oʻz Vataniga qaytarildi.

maʼlum boʻlishicha, Bosh konsulxona koʻmagi bilan 4 ta shahar – Novosibirsk, Irkutsk, Krasnoyarsk va Vladivostokda qarovsiz qolib ketgan 14 yoshgacha boʻlgan bolalar bir joyga toʻplangan.

Ota-onasi turli sabablarga koʻra tarbiyasida ishtirok eta olmagan jami sakkiz nafar bola Oʻzbekistonga sogʻ-salomat olib kelingan.

“Qayd etish joizki, Bosh konsulxona Rossiya tomonidan zarur hujjatlarni imkon qadar tezroq olish uchun barcha imkoniyatlarni ishga soldi. Shuningdek, bolalarni issiq ovqat bilan oʻz vaqtida taʼminladi”, deyiladi xabarda.