Toshkentning Chilonzor tumanida bir nechta mashina va skuter ishtirokida YTH yuz berdi.

Poytaxt YHXB matbuot xizmatining ma’lum qilishicha, hodisa 14-avgust kuni soat 23:40 larda Muqimiy ko‘chasida yuz bergan.

2002-yilda tug‘ilgan O.T. boshqaruvidagi Cobalt, 1990-yilda tug‘ilgan Sh.Y. boshqaruvidagi Monza, 2005-yilda tug‘ilgan U.M. boshqaruvidagi skuter, 1999-yilda tug‘ilgan M.N. boshqaruvidagi Spark to‘qnashgan.

YTH natijasida tan jarohat olganlar yo‘q. Holat yuzasidan surishtiruv harakatlari olib borilmoqda.