Mirziyoyeva Shahnoza Shavkatovna Oʻzbekiston Milliy paralimpiya qoʻmitasi raisining birinchi oʻrinbosari boʻldi.

Mirziyoyeva hozirda Oʻzbekiston Respublikasi Prezidenti huzuridagi Ijtimoiy himoya milliy agentligi direktorining birinchi oʻrinbosari lavozimida ham faoliyat yuritib kelmoqda.

Maʼlumot uchun, Oʻzbekiston delegatsiyasini Paralimpiya oʻyinlariga tantanali ravishda kuzatish marosimida Shahnoza Mirziyoyeva soʻzga chiqqan edi.

Taʼkidlash lozim, Oʻzbekiston Paralimpiya jamoasi 65 nafar para-atlet bilan Parij shahrida oʻtkaziladigan XVII yozgi Paralimpiya oʻyinlarida 9 ta sport turi boʻyicha qatnashadi. Bellashuvlar 28-avgustdan 8-sentyabrga qadar davom etadi.