Turizm obyektida profilaktika ishlari olib borilishi sabab “Zomin” turistik-rekreatsion zonasida faoliyat olib borayotgan osma dor yoʻli harakati vaqtincha toʻxtatildi. Bu haqida Turizm qoʻmitasi xabar berdi.

Maʼlum boʻlishicha, mahalliy va xorijiy sayyohlarning xavfsizligini taʼminlash maqsadida bir yilda bir marotaba oʻtkaziladigan profilaktika ishlari 6 kun – joriy yilning 12-18-avgust kunlari olib boriladi.

Maʼlumot uchun, Jizzax viloyatining Zomin tumanida qurilgan osma dor yoʻli 2023-yil avgustida ochilgan boʻlib, uzunligi 2102 metr. U 12 ta minorali 11 ta ustunga ega va soatiga 1200 nafar sayyohga xizmat koʻrsatadi. Shveysariyaning Bartolet kompaniyasi bilan hamkorlikda amalga oshirilgan loyiha qiymati – 133,3 mlrd soʻm.