Prezident raisligida oʻtayotgan videoselektor yigʻilishida 4 ta tuman tajribasi boʻyicha sustkashlikka yoʻl qoʻygan barcha rahbarlarga chora qattiq boʻlishi haqida ogohlantirildi.

Jumladan, mutasaddilarga Sayxunobod va Uychi tajribalarida kamchiliklarga yoʻl qoʻygan masʼullarga javobgarlik choralarini koʻrish, qoloqliklarni bartaraf etish topshirildi.

Zarbdor tajribasi asosida har bir tuman va shaharda kamida 5 tadan “drayver” loyihani shakllantirish, Gʻijduvon tajribasi asosida mingta mahallaning oʻzida “tepaga oʻsadigan” (vertikal) sanoat binolari loyihalarini tayyorlab, yil yakunigacha ishga tushirish vazifasi qoʻyildi.

Xabrga koʻra, tajribalarning har biri boʻyicha masʼullarga aniq KPI belgilanib, ijrosi ustidan qatʼiy soʻrov oʻrnatilishi belgilandi.