Samarqand xalqaro aeroporti 2024-yilning birinchi yarmida yoʻlovchilar oqimining oʻsishi borasida ACI Europe reytingida yetakchilardan biriga aylandi. Bu haqda Air Marakanda xabar bergan.

Oʻzbekiston havo bandargohi yiliga 1 milliondan 10 milliongacha yoʻlovchiga xizmat koʻrsatuvchi aeroportlar orasida ikkinchi oʻrinni egallagan.

2024-yilning yanvar-iyun oylarida Samarqand aeroporti 647 ming yoʻlovchiga xizmat koʻrsatdi. Bu 2023-yilning shu davriga nisbatan 206,8 ming kishiga yoki 47 foizga koʻp.