Oʻzgidromet 7-avgust kuni uchun ob-havo prognozini eʼlon qildi.

Xabarga koʻra, ertaga respublikada havo biroz bulutli boʻladi, yogʻingarchilik boʻlmaydi.

Sharqdan sekundiga 7-12 metr tezlikda shamol esadi. Baʼzi joylarda shamolning tezligi chang-toʻzonlari bilan birga sekundiga 13-18 metrgacha kuchayishi mumkin.

Voha hududlarida harorat kunduzi 37-42 issiq, kechasi 21-26 daraja iliq boʻladi.

Vodiy viloyatlarida esa harorat kechasi 20-25 daraja iliq, kunduzi 34-39 daraja issiq boʻladi.

Poytaxt Toshkentda havo biroz bulutli boʻladi, yogʻingarchilik boʻlmaydi. Sharqdan sekundiga 3-8 metr tezlikda shamol esadi. Harorat kechasi 21-23 daraja iliq, kunduzi 37-39 daraja issiq boʻlishi kutilmoqda.