Mustaqillik bayrami munosabati bilan 31-avgustdan 3-sentyabrgacha amalga oshiriladigan barcha mahalliy aviaqatnovlar uchun aviachiptalar tariflaridan 30 foiz chegirma taqdim etiladi. Bu haqida Uzbekistan Airways xabar berdi.

Chegirmali aviachiptalarni 6-avgustdan 3-sentyabrgacha booking.uzairways.com sayti, ilovada, Uzbekistan Airways Sales filialida va aviakompaniya agentlaridan xarid qilish mumkin.

Taʼkidlanishicha, yoʻlovchi va yuk tashish tariflariga qoʻshimcha ravishda turli soliqlar, yigʻimlar va toʻlovlar ham oʻrnatiladi. Ularga 30 foizlik chegirma amal qilmaydi.