Qosim-Jomart Toqayev Oʻzbekiston Prezidenti yordamchisi Saida Mirziyoyevani qabul qildi.

Xabarga koʻra, uchrashuv davomida ikki davlat oʻrtasidagi koʻp tomonlama sheriklikni yanada rivojlantirishga doir dolzarb masalalar muhokama qilingan.

Jumladan, axborot-mafkuraviy, madaniy-gumanitar, taʼlim va yoshlar siyosati sohalarida oʻzaro manfaatli hamkorlikni mustahkamlashga alohida eʼtibor qaratilgan.

Qozogʻiston Prezidenti ham Ostona shahrida “Zakovat” xalqaro intellektual oʻyinini oʻtkazishni qoʻllab-quvvatlashini bildirgan va bunday tadbirlar xalqlarni biri biriga yanada yaqinlashtirishini taʼkidlagan.