Oʻzgidromet 5-avgust uchun ob-havo prognozini eʼlon qildi.

Maʼlum boʻlishicha, bugun respublika boʻyicha yogʻingarchilik kutilmaydi. Shamol 7-12 m/s tezlikda esadi. Baʼzi joylarda 13-18 m/s gacha kuchayishi, ayrim joylarda chang-toʻzonlar bilan kuzatilishi mumkin.

Harorat shimolda 34-39°, janubiy va choʻl hududlarining baʼzi joylarida 41-42° gacha boʻladi.

Havo biroz bulutli boʻladi, yogʻingarchilik kutilmaydi.

Toshkent shahrida ham yogʻingarchilik kutilmaydi. Shamol 3-8 m/s tezlikda esadi, kunning ikkinchi yarmida 10-12 m/s gacha kuchayishi mumkin. Harorat 37-39° boʻladi.

Togʻ oldi va togʻli hududlarida yogʻingarchilik kutilmaydi, faqat Fargʻona vodiysi viloyatlarining ayrim togʻ oldi va togʻli hududlarida va Toshkent viloyatining ayrim togʻli hududlarida qisqa muddatli yomgʻir yogʻishi, momaqaldiroq boʻlishi kutiladi.

Shamol 7-12 m/s tezlikda esadi, baʼzi joylarda 13-18 m/s gacha kuchayishi mumkin. Harorat 27-32° boʻladi.