Raqobat qoʻmitasi bir qator mahsulotlarni amaldagi hujjatlarga nomuvofiq deb topdi.

Maʼlum boʻlishicha, ular laboratoriya sinovlaridan oʻtkazilgan.

“Raqobat qoʻmitasi tomonidan nazorat xaridi uchun savdo shoxobchalaridan 9 nomdagi oziq-ovqat mahsulotlaridan namunalar xarid qilindi va akkreditatsiyadan oʻtgan laboratoriyalarga sinovdan oʻtkazish uchun taqdim etildi.

 

Sinov natijalarida 8 nomdagi mahsulotlarni amaldagi texnik jihatdan tartibga solish hujjatlariga nomuvofiqligi aniqlandi”, deyiladi xabarda.

Sifatsiz deb topilgan tovarlar quyidagilar:

▪️ “Bruni” shokoladli keks mahsuloti;

▪️ “SELLATILGAN MOL GOʻSHTI oliy nav” konservalangan mol goʻshti mahsuloti;

▪️ “BIO KIFER” mahsuloti;

▪️ “Qand” mahsuloti;

▪️ “Chernogolovka” gazlangan salqinlantiruvchi ichimlik mahsuloti;

▪️ “URUSSA” kungaboqar yogʻi;

▪️ “Kunjutnoye maslo” yogʻ mahsuloti;

▪️ “Sedana yogʻi” yogʻ mahsuloti.

Xabarga koʻra, hozirda aniqlangan kamchiliklarni bartaraf etish va sifatsiz mahsulotlarning sotilishiga chek qoʻyish maqsadida  Raqobat qoʻmitasi tomonidan yuqoridagi tovarlarni ishlab chiqaruvchi korxonalarga tegishli choralar koʻrilmoqda.