Qoʻyliqdagi “ovqat bozori” faoliyati toʻxtatildi.

Maʼlum boʻlishicha, bozorda joylashgan ovqat sotish shoxobchasida sanitariya qoidalari qoʻpol ravishda buzilayotgan.

Taʼkidlanishicha, obyektda ishlovchilar ishtirokida bir necha marotaba ogohlantirish va targʻibot ishlari oʻtkazilgan, biroq bari-bir holat oʻzgarishsiz qolgan. Shu sababli “ovqat bozori”ning ish faoliyati vaqtincha toʻxtatilgan.

“Obyektda sanitariya holati yaxshilanib, mutaxassislar tomonidan talabga javob berishi toʻgʻrisida xulosa berilmagunga qadar “ovqat bozori” ish faoliyatini davom ettirmaydi”, deyiladi xabarda.