Checheniston yetakchisi Ramzan Qodirov Oʻzbekiston Prezidenti Shavkat Mirziyoyevga tugʻilgan kuni munosabati bilan ikkita zotdor ot sovgʻa qildi. Bu haqda u oʻzining Telegram kanaliga yozib qoldirgan.

Qayd etilishicha, Qodirov Grozniyda «Ahmat» Osiyo jang ligasi prezidenti Nodir Qodirovga ikkita zotdor otni topshirgan. Bu Oʻzbekiston Respublikasi prezidenti Shavkat Mirziyoyevning oʻtib ketgan tugʻilgan kuni uchun sovgʻa.

Shuningdek, Checheniston yetakchisi Shavkat Mirziyoyev va Oʻzbekiston xalqiga oʻz nomidan eng yaxshi tilaklarini yetkazib qoʻyishlarini soʻragan.