Toshkent viloyati Yuqori Chirchiq tumanida Cobalt'ni quvib oʻtmoqchi boʻlgan BMW yoʻl transport hodisasiga uchradi.

Maʼlum boʻlishicha, voqea 20-iyul kuni, soat taxminan 14:00 larda tumanning 4R12 “Bektemir-Chorbogʻ q” avtomobil yoʻlida sodir boʻlgan.

1991-yilda tugʻilgan U. B. boshqaruvidagi BMW oldindagi avtomobilni quvib oʻtish vaqtida boshqaruvni yoʻqotib, yoʻlning oʻng chetida toʻxtab turgan Tracker'ga borib urilgan.

Hodisa oqibatida qurbonlar yoʻqligi aytildi.

Xabarga koʻra, BMW'dan tashqari yoʻl chetida turgan avtoulovda odam boʻlmagan.

Transport vositalari texnik shikastlangan.

Holat yuzasidan hozirda Yuqori Chirchiq tumani IIB YHXB tomonidan surishtiruv ishlari olib borilmoqda.