“ADM Jizzakh” elektromobillar importi uchun bojlarni qaytarishni taklif qilgan. Bu haqida Spot.uz zavod bosh direktori Doniyor Davletiyarovning soʻzlariga tayanib xabar berdi.

Davletiyarovning soʻzlariga koʻra, Oʻzbekistondagi avtomobil bozori “haddan tashqari toʻyingan va qizib ketgan”. Shuning uchun u jismoniy shaxslar tomonidan olib kiriladigan avtomobillar importini tartibga solish kerak degan fikrda.

Uning taʼkidlashicha, agar avtomobil ishlab chiqaruvchisi 60 dan ortiq texnik talablarga javob berishi kerak boʻlsa, unda import mahalliy standartlarga javob bermaydi.

Bundan tashqari, “ADM Jizzakh” bosh direktori avtotransport vositalarini rasmiy dilerlar orqali olib kirish tartibini tiklash taklifini ham bildirgan.