Shoirning sheʼrlaridan ruxsatsiz foydalanib kelgan xonanda jarimaga tortildi.

Maʼlum boʻlishicha, murojaatchi Q.Q. (shoir) oʻzining “Otang Bоу”, “Ona qarang zoʻr boʻlib ketdim”, “Onamga yoqmayapsan” nomli sheʼrlaridan ruxsatsiz foydalangan xonanda Q.R. ustidan shikoyat qilgan.

Adliya vazirligi tomonidan mazkur masala oʻrganilganda xonanda Q. R. tomonidan huquq egasining ruxsatisiz hamda tegishli tartibda mualliflik haqini toʻlamasdan sheʼrlarni qoʻshiq qilib kuylagani aniqlangan.

Holat yuzasidan huquqbuzarga nisbatan MjtKning 177(1)-moddasi bilan maʼmuriy huquqbuzarlik toʻgʻrisidagi bayonnoma rasmiylashtirilib, tegishli tarzda sudga yuborilgan.

Sud hukmiga koʻra, huquqbuzarga nisbatan jarima jazosi tayinlangan.

Maʼlumot uchun, mazkur moddada jarima miqdori BHMning 1 baravaridan 5 baravarigacha etib belgilangan.