Joriy yilning 23–26-iyul kunlari Oʻzbekistonning ayrim hududlarida yomgʻir yogʻishi kutilmoqda.

Shuni inobatga olgan holda, 4 ta viloyatda sel xavfi eʼlon qilindi.

Jumladan:

▪️ Toshkent viloyati – Ohangaron, Boʻstonliq, Parkent, Piskent, Oʻrtachirchiq, Yuqorichirchiq tumanlarida va Angren, Olmaliq shaharlarida;

▪️ Namangan viloyati – Pop, Kosonsoy, Chortoq, Chust, Namangan, Yangiqoʻrgʻon;

▪️ Fargʻona viloyati – Soʻx, Shohimardon, Fargʻona, Beshariq tumanlarida;

▪️ Andijon viloyati – Andijon, Asaka, Jalaquduq, Qoʻrgʻontepa, Paxtaobod, Izboskan, Xoʻjaobod, Marhamat tumanlarida va Xonabod shahrida sel-suv toshqin hodisalari yuzaga kelishi mumkin.

Shuningdek, togʻ oldi va togʻli hududlarda istiqomat qiluvchi fuqarolar, dam oluvchilar hamda togʻli hududlarda harakatlanuvchi haydovchilar ham kuzatilish ehtimoli bor boʻlgan tabiiy ofatdan ogohlantirilmoqda.

Bundan tashqari, xabarda Toshkent viloyati va Fargʻona vodiysi hududi boʻyicha yomgʻir suvlari toʻplanishi mumkinligi aytiladi.