“Chorvoq” suv omborining “Burchmulla” suv havzasiga dam olish maqsadida kelgan 2 nafar fuqaro baxtsiz hodisa tufayli vafot etdi.

Maʼlum boʻlishicha, Zangiota tumanida istiqomat qiluvchi 19 yoshli fuqaro suv skuterini haydash vaqtida boshqaruvni eplay olmagan va qarshisidagi katamaranga borib urilgan.

Natijada katamaranda boʻlgan 2 nafar Fargʻona viloyatidan kelgan fuqaro tan jarohati olgan va hodisa joyida vafot etgan.

Voqea 20-iyul kuni, soat 14:30 larda sodir boʻlgan.

Holat yuzasidan Boʻstonliq tumani IIB va Prokuraturasi tomonidan hozirda surishtiruv ishlari olib borilmoqda.