Oliy taʼlim, fan va innovatsiyalar vazirligi turli sabablar bilan test sinovlariga qatnashmagan abituriyentlar, ularning yaqinlari tomonidan qoʻshimcha imtihon belgilab berish yuzasidan murojaatlar kelib tushayotganini maʼlum qildi.

Shu munosabat bilan vazirlik rasmiy bayonot berdi.

“Abituriyent ruxsatnomasida koʻrsatilgan sana va vaqt qatʼiy hisoblanib, unga boshqa sana va vaqtda testga kirish uchun ruxsat berilmaydi”, deyiladi unda.

Taʼkidlanishicha, hukumatning 261-son qaroriga muvofiq test kuni imtihon vaqtidan kechikkan, shaxsini tasdiqlovchi hujjat va ruxsatnomasi boʻlmagan abituriyent sinov oʻtkaziladigan binoga kiritilishi mumkin emas.