Toshkent shahrida noqonuniy tashqi reklama konstruksiyalari majburiy demontaj qilinadi Toshkent shahrida noqonuniy oʻrnatilgan tashqi reklama va axborot obyektlari (konstruksiyalari) majburiy tartibda demontaj qilinadi.

Toshkent shahar hokimining qarorida 2024-yilning 1-iyuniga qadar bunday obyektlarni qonuniylashtirish imkoniyati berilgan edi. Demontaj ishlari hokimlikning Raqamli rivojlanish departamenti hisobidan amalga oshiriladi. Obyektlar elektr energiyasidan uziladi, Milliy gvardiya demontaj vaqti jamoat xavfsizligini taʼminlaydi. Noqonuniy tashqi reklama konstruksiyalarini buzish ishlari yil oxiriga qadar yakunlanadi.