Tadbirkorga ortiqcha toʻlov qildirgan masʼullar jazolanadi

Maʼlum boʻlishicha, ayrim tuman hokimlari va soliqchilar rejani bajaraman deb, tadbirkorni ortiqcha toʻlov qilishga majburlamoqda.

Yigʻilishda ushbu vaziyatni tanqid qilgan Prezident qiynalgan tadbirkorga koʻmaklashish orqali ishlab chiqarish va daromadni oshirish mumkinligini koʻrsatib oʻtgan.

Shu maqsadda barcha hokim va soliqchilar qatʼiy ogohlantirildi.

Taʼkidlanishicha, endi tadbirkorga ortiqcha toʻlov qildirgan masʼullar jazolanadi.

Bosh prokuraturaga ham mazkur masalani alohida nazoratga olish topshirilgan.