Ijtimoiy tarmoqlarda tarqalgan xabarlarga koʻra, Oʻzbekiston Liberal-demokratik partiyasi 15 dona Chevrolet Tracker, 1 dona Chevrolet Traverse va 1 dona Kia K5 sotib olishga qaror chiqargan.

Bu boʻyicha OʻzLiDeP partiyasi rasmiy munosabat bildirdi.

Maʼlum boʻlishicha, partiya 2024-yilning byudjetida mashina xarid qilishni koʻzda tutmagan va joriy yilda birorta ham avtomashina xarid qilinmaydi.

“Partiyamizning 2024 yil uchun tasdiqlangan byudjetida xizmat avtotransport vositalarini xarid qilish uchun mablagʻ ajratilmagan va koʻzda ham tutilmagan.

Shu sababli, partiyamiz 2024 yilda birorta ham avtotransport vositalarini sotib olmasligini maʼlum qiladi”, deyiladi munosabatda.