Joriy yilning 17–22-iyul kunlari respublikaning ayrim joylarida yomgʻir yogʻishi kutilmoqda.

Shu munosabat bilan 7 ta viloyatda sel xavfi eʼlon qilindi.

Jumladan:

▪️ Qashqadaryo viloyati – Yakkabogʻ, Dehqonobod, Chiroqchi, Kitob, Shahrisabz, Qamashi, Gʻuzor tumanlarida;

▪️ Surxondaryo viloyati – Sariosiyo, Uzun, Oltinsoy, Denov, Boysun, Sherobod, Shoʻrchi, Qumqoʻrgʻon, Muzrabot tumanlarida;

▪️ Jizzax viloyati – Zomin, Baxmal, Gʻallaorol, Sharof Rashidov, Forish, Yangiobod tumanlarida;

▪️ Toshkent viloyati – Ohangaron, Boʻstonliq, Parkent, Piskent, Oʻrtachirchiq, Yuqorichirchiq tumanlarida va Angren, Olmaliq shaharlarida;

▪️ Namangan viloyati – Pop, Kosonsoy, Chortoq, Chust, Namangan, Yangiqoʻrgʻon tumanlarida;

▪️ Fargʻona viloyati – Soʻx, Shohimardon, Fargʻona, Beshariq tumanlarida;

▪️ Andijon viloyati – Andijon, Asaka, Jalaquduq, Qoʻrgʻontepa, Paxtaobod, Izboskan, Xoʻjaobod, Marhamat tumanlarida va Xonabod shahrida.

Shuningdek, togʻ oldi va togʻli hududlarda ham sel-suv toshqin hodisalari yuzaga kelish ehtimoli bor.

“Respublika hududi boʻyicha yomgʻir suvlari toʻplanishi ehtimoli bor, bu esa hududlarni suv bosishiga olib kelishi mumkin”, deyiladi xabarda.