Kompaniya ertaga Chevrolet Cobalt uchun kontraktatsiya ochilishini maʼlum qildi.

Bunga mijozlarning kontraktatsiya talablarini bajarmagani sabab boʻlgan. Yaʼni, kompaniya shartnomasi bekor qilin avtomobillarni qayta sotuvga qoʻyadi.

Xaridorlar 17-iyul kuni, soat 10:00 da savdo.uzavtosanoat.uz sayti orqali avtomobillar xaridi uchun shartnoma tuzishi mumkin.

Telegram-bot hamda UzAvtosavdo ilovasi orqali esa navbatni kuzatish hamda mavjud avtomobillar haqida maʼlumot olish imkoni mavjud.

Taʼkidlanishicha, avtomobil xaridi uchun tuzilgan shartnomalar boʻyicha toʻlov yetti kalendar kun ichida amalga oshirilishi lozim.