Tadqiqotchilar dangasalik kabi yoqimsiz sifatning asosiy sababini topdi.

Maʼlum boʻlishicha, uning asosiy kelib chiqish sababi – bu, irsiyat. Yaʼni, dangasalik gen orqali oʻtadi.

Kishi tez-tez ishlashni istamasligi, ishdan dam olishni xohlab qolishi va ishdan qochishi – bu, irsiy omillarga bogʻliq.

Hatto ishni keyinga surish ham irsiy “kasallik” ekan.

Kuzatishlar va turli testlar natijasida mutaxassislar inson tanasida ishlash yoki istamaslik istagi uchun javob beradigan maxsus genlar mavjud degan xulosaga keldi.

Bunday genlar esa farzandga ota-ona orqali oʻtadi.

Aynan mana shu narsa butun bir oilaning nima sababdan boqimanda ekanligini tushuntirib beradi.

Umuman olganda, tadqiqotchilar aniqlaganidek, genlar nafaqat mehnatga boʻlgan muhabbatni, balki umuman turmush tarzini ham belgilaydi.

Endilikda olimlar insonning mehnatga boʻlgan qarashini dori-darmonlar orqali oʻzgartirish mumkinligiga ishonmoqda.