Oila va xotin-qizlar qoʻmitasi boshchiligidagi Oʻzbekiston delegatsiyasi Rossiya Federatsiyasiga tashrif buyurib, u yerdagi oʻzbekistonlik ayollarning ish sharoiti, turmushini oʻrgandi.

Maʼlum boʻlishicha, delegatsiya Sankt-Piterburg shahrida xorijiy mamlakatlarda turli sabablar tufayli ogʻir vaziyatga tushib qolayotgan oʻzbek ayollariga har tomonlama koʻmak koʻrsatish maqsadida sayyor qabullar ham oʻtkazgan.

Yakunda esa Sankt-Piterburg shahridagi 3-Bolalar uyida vaqtincha boʻlib turgan 7 nafar bola Oʻzbekistonga qaytarib olib kelingan.

Shuningdek, Oʻzbekistonga qaytish istagini bildirgan fuqaro Y.Ibragimova va uning farzandi ham oʻz vataniga qaytarilgan.