Fargʻona viloyati Quva tumanida boʻlib oʻtayotgan Prezident raisligidagi yigʻilishda viloyat rahbariyatining masʼuliyatini oshirish boʻyicha Fargʻonada yangi tizim boʻlishi belgilandi.

Jumladan, endilikda viloyat hokimining oʻzi va har bir oʻrinbosari, 19 ta tuman va shahar hokimi kuniga kamida 5 tadan tadbirkor va xorijiy investorni qabul qilib, ularning muammosini hal qiladi.

Ular har hafta televideniye, radio orqali aholi va tadbirkorlarga boʻlayotgan oʻzgarishlarni aytib boradi.

Yil yakunida esa ularning faoliyati sarhisob qilinib, tegishli chora koʻriladi.

Yigʻilishda, shuningdek, viloyat kengashi deputatlari ham komissiya tuzib, har bir raqamni nazoratga olishi muhimligi qayd etildi.