“Qor bobojon-qor bobo, jahannamda bor bobo” jumlalari bilan boshlanuvchi qoʻshiqni  Instragram orqali tarqatgan T.J. 3 yilga qamaldi. U JKning 244-1(prim1)-moddasi 3-qismi “g” bandida koʻrsatilgan jinoyatni sodir etganlikda aybli deb topilgan (1-1906-2401/68 sonli jinoyat ishi).

Maʼlum boʻlishicha, Din ishlari boʻyicha qoʻmita xulosasida davomiyligi 00:55 daqiqa boʻlgan mazkur qoʻshiq aqidaparastlik gʻoyalari bilan yoʻgʻrilgan materiallar turkumiga kirishi koʻrsatilgan.

Joriy yilning 24-aprel kuni sud hukmi bilan 28 yoshli T.J.ga nisbatan 3 yil muddatga ozodlikdan mahrum qilish jazosi tayinlangan.

1-bosqich sudining hukmi 1-iyul kuni boʻlib oʻtgan apellyatsiya instansiyasi sudida ham oʻzgartirilmagan.