YTH kecha, 8-iyun kuni, soat taxminan 10:30larda Quva tumani “Soyguzar” M.F.Y hududida sodir boʻlgan.

1999-yilda tugʻilgan R.O boshqaruvidagi Lacetti rusumli avtomobilini boshqarib ketayotib, boshqaruvni yoʻqotib, qarama-qarshi yoʻnalishga oʻtib ketgan.

Natijada 1988-yilda tugʻilgan haydovchi A.X boshqaruvidagi “Vaz-2101” rusumli avtomobili bilan toʻqnashib, yoʻl-transport hodisasi sodir etgan.

Hodisa oqibatida “Vaz-2101” rusumli avtomobil haydovchisi A.X. ogʻir tan jarohati olib, voqea joyida vafot etgan.

“Vaz-2101” rusumli avtomobil yoʻlovchisi, 1989 yilda tugʻilgan A.D hamda Lacetti rusumli avtomobil haydovchisi R.O esa tan jarohati olib, shifoxonaga yotqizilgan.