Rossiyada voyaga yetmagan farzandi tamaki vositalarini qabul qilgan ota-onalar jarimaga tortilishi mumkin.

Bu boʻyicha Rossiya Sogʻliqni saqlash vazirligi hamda Isteʼmolchilar huquqlarini himoya qilish va inson farovonligini nazorat qilish federal xizmati (Rospotrebnadzor) tegishli qonun loyihasini maʼqulladi.

Yangi qonun 16 yoshgacha boʻlgan bolalar tamaki yoki nikotin moddasini saqlovchi vositalarini qabul qilayotgan vaqt ushlansa, ularning ota-onasi 7 000 rublgacha jarima toʻlashi kerakligini nazarda tutadi. Shuningdek, mumkin boʻlmagan joylarda sigaret chekkanlik uchun jarima miqdorini oshirish, xususan, bolalar oʻyingohida chekish uchun 30 ming rublgacha jarimaga tortish taklif qilingan.