Endi haydovchilar yoʻl harakati qoidalari buzilishiga doir jarimalarga qarshi my.gov.uz portali orqali elektron shikoyat yoʻllashi mumkin.

Mazkur amaliyot 1-sentyabrdan kuchga kiradi.

Bunda haydovchilar qoida buzilishi yuzasidan chiqarilgan qarorlar va yuborilgan xabarnomalar boʻyicha Yoʻl harakati xavfsizligi xizmatiga elektron tartibda ariza yuboradi.

Yuborilgan shikoyat arizalari YHXX tomonidan 10 ish kuni ichida koʻrib chiqiladi.

Ammo murojaat koʻrib chiqilayotgan vaqt mobaynida jarima uchun belgilangan chegirma muddati toʻxtatib turilmaydi.

Bordi-yu shikoyat oʻrinli deb topilsa, YHXX tomonidan, MjtKning 271-moddasiga asosan, maʼmuriy huquqbuzarlik toʻgʻrisidagi ish tugatiladi.