Oʻtgan bir yilda (2023-yil) 1810 nafar Oʻzbekiston fuqarosi chet elliklar bilan oila qurgan.

Maʼlum boʻlishicha, ulardan 1051 nafari Mustaqil Davlatlar Hamdoʻstligi (MDH) tarkibiga kiruvchi davlatlar fuqarolari bilan, qolgan 759 nafari boshqa xorijiy mamlakat fuqarolari bilan nikoh shartnomasini tuzgan.

Xabarga koʻra, oxirgi uch yilda jami 5 444 nafar xorijliklar Oʻzbekiston fuqarolari bilan oila qurgan.

Jumladan:

▪️ 2021-yilda – 2 113 ta. Shundan 1 272 nafari xorijiy mamlakatlarga kelin boʻlgan oʻzbekistonlik qizlar, 937 nafari esa Oʻzbekistonga kelin boʻlgan xorijlik qizlar hissasiga toʻgʻri keladi. Ular, asosan, Tojikiston, Ozarbayjon, Rossiya Federatsiyasi va Qozogʻiston fuqarolari boʻlgan.

▪️ 2022-yilda – 1 521 ta. Shundan 928 tasi MDH davlat fuqarolari bilan, qolgan 593 tasi boshqa davlat fuqarolari bilan.

Maʼlumot uchun, oʻzbekistonlik qizlar odatda Rossiya Federatsiyasi, Turkiya, Koreya va AQSh davlatlari fuqarolariga turmushga chiqar ekan.