Rasm: Daryo.uz

Buxorda boʻlib oʻtgan voyaga yetmaganlarning toʻyi yuzasidan Bolalar ombudsmani rasmiy munosabat bildirdi.

Maʼlum boʻlishicha, toʻy voyaga yetmagan yoshlarning oilalari oʻrtasidagi oʻzaro kelishuv asosida oʻtkazilgan.

Bu haqida oldinroq xabar bergan edik.

Keyingi jarayonlarda mazkur holat yuzasidan Qorakoʻl tuman IIB huzuridagi tergov guruhi tomonidan tergovga qadar tekshiruv harakatlari olib borilgan.

Kecha, 2-iyul kuni esa voyaga yetmaganlarning ota-onalari(N.S. va N.Q.)ni MJtKning 47-3 moddasi (Nikoh yoshi toʻgʻrisidagi qonunchilikni yoki nikoh tuzish tartibini buzish) bilan maʼmuriy javobgarlikka tortish yuzasidan hujjatlar sudga yuborilgan.

“Bu qonuniy talabning buzilishi bolaning taʼlim olish, sogʻligʻini saqlash hamda jismoniy, aqliy va maʼnaviy uygʻun ravishda kamol topishi huquqlariga mutlaqo ziddir”, deyiladi xabarda.