28-iyun kuni soat 01:12 da Toshkent shahar Shayxontohur tumani Beruniy koʻchasida joylashgan Chorsu bozor hududidagi savdo doʻkonlarida yongʻin sodir boʻlayotgani toʻgʻrisida FVBga xabar kelib tushgan.

Yongʻinni oʻchirish uchun, 12 ta yongʻin-qutqaruv ekipaji soat 01:17da voqea joyiga yetib borib, yongʻin soat 02:22 da qurshab olingan va soat 02:47 da toʻliq bartaraf etilgan.

Yongʻin natijasida tan jarohati olgan va vafot etgan fuqarolar kuzatilmagan. Vaziyat toʻliq nazoratga olingan. Hodisa joyiga Favqulodda vaziyatlar vaziri yetib borgan.

Hududda favqulodda vaziyatlar vaziri va tegishli tashkilotlar rahbarlari oʻrganish ishlarini olib bormoqda.