“Mard oʻgʻlon” davlat mukofoti bilan taqdirlash toʻgʻrisida

Oʻzbekiston Respublikasi Prezidentining qarori

Mamlakatimizda amalga oshirilayotgan keng koʻlamli islohotlarda alohida faollik koʻrsatib, oʻzining bilim va qobiliyati, intiluvchanligi, tashabbuskorligi va samarali mehnati bilan yurtimiz taraqqiyotini yuksaltirish, jonajon Vatanimizning xalqaro miqyosdagi nufuzini yanada oshirishga munosib hissa qoʻshib kelayotgan, yuksak maʼnaviyatli, mustaqil fikrlaydigan, qatʼiy hayotiy pozitsiya, keng dunyoqarash va yuqori salohiyatga ega, xalq manfaati va yurt istiqboli uchun masʼuliyatni oʻz zimmasiga olishga qodir boʻlgan fidoyi va mard oʻgʻlonlarimizni munosib ragʻbatlantirish maqsadida:

1. Oʻzbekiston Respublikasi Prezidenti huzuridagi Davlat mukofotlari va geraldika boʻyicha komissiyaning Qoraqalpogʻiston Respublikasi, viloyatlar va Toshkent shahrining iqtidorli yigitlarini fan, taʼlim, tibbiyot, madaniyat, sanʼat, sport, ishlab chiqarish, harbiy xizmat sohalari va huquqni muhofaza qilish organlaridagi faoliyatida erishgan alohida yutuqlari uchun “Mard oʻgʻlon” davlat mukofoti bilan taqdirlash toʻgʻrisidagi takliflari ilovadagi roʻyxatga muvofiq maʼqullansin.

2. “Mard oʻgʻlon” davlat mukofoti bilan taqdirlanganlarga sovrindorlik diplomlari va koʻkrak nishonlari tantanali vaziyatda topshirilsin.

3. Oʻzbekiston Respublikasi Iqtisodiyot va moliya vazirligi “Mard oʻgʻlon” davlat mukofoti sovrindorlarining har biriga bazaviy hisoblash miqdorining 50 baravari miqdorida pul mukofoti berilishini taʼminlasin.

4. Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi, Oʻzbekiston Milliy axborot agentligi, Oʻzbekiston Milliy teleradiokompaniyasi va boshqa ommaviy axborot vositalariga “Mard oʻgʻlon” davlat mukofoti sohiblarining ibratli faoliyati, ularning noyob isteʼdodi va erishgan yutuqlarini keng yoritib borish tavsiya etilsin.

5. Mazkur qarorning ijrosini nazorat qilish Oʻzbekiston Respublikasining Bosh vaziri A.N.Aripov va Oʻzbekiston Respublikasi Prezidenti maslahatchisi Gʻ.Gʻ.Mirzayev zimmasiga yuklansin.

Oʻzbekiston Respublikasi Prezidenti

Sh.Mirziyoyev

***

“Mard oʻgʻlon” davlat mukofoti bilan taqdirlanganlar

ROʻYXATI

Aymuratov Musa Tatlimurat uli – Qoraqalpoq davlat universitetining 2-bosqich talabasi (Qoraqalpogʻiston Respublikasi)

Yoʻldoshev Abbos Bahrom oʻgʻli – Oʻzbekiston davlat konservatoriyasining Nukus filiali 3-bosqich talabasi (Qoraqalpogʻiston Respublikasi)

Qobulov Baxtiyorjon Ortiqboy oʻgʻli – Oʻzbekiston Respublikasi Bojxona qoʻmitasining Bojxona instituti 4-bosqich kursanti (Andijon viloyati)

Samandarov Nuriddin Maxammatjon oʻgʻli – Andijon davlat universitetining 4-bosqich talabasi (Andijon viloyati)

Otamurodov Nurmuhammad Shuxrat oʻgʻli – Olot tumanidagi ixtisoslashtirilgan maktabning 11-sinf oʻquvchisi (Buxoro viloyati)

Qosimov Jasur Toxirovich – “Hunarmand” uyushmasining Buxoro viloyati boshqarmasi aʼzosi, kandakor usta (Buxoro viloyati)

Moʻminov Shahboz Axmadqul oʻgʻli – Jizzax viloyati Ichki ishlar boshqarmasining tezkor vazifalarni bajaruvchi safarbar otryadi katta mutaxassisi (Jizzax viloyati)

Roʻziqulov Dilshod Shuhrat oʻgʻli – Oʻzbekiston jurnalistika va ommaviy kommunikatsiyalar universitetining media nazariyasi va amaliyoti kafedrasi dotsenti (Jizzax viloyati)

Jurayev Suxrobjon Saloxiddin oʻgʻli – Shahrisabz davlat pedagogika institutining informatika va uni oʻqitish metodikasi kafedrasi oʻqituvchisi (Qashqadaryo viloyati)

Nurmatov Mironshox Nuriddin oʻgʻli – Koson tumanidagi 19-umumiy oʻrta taʼlim maktabining 10-sinf oʻquvchisi (Qashqadaryo viloyati)

Suyunov Shohruh Lazizjon oʻgʻli – Toshkent shahridagi “Suyunov Art Studio” oʻquv markazi rahbari (Navoiy viloyati)

Oʻktamov Shohruh Rustam oʻgʻli – Navoiy viloyati Ichki ishlar boshqarmasining patrul-post xizmati batalyoni safdor xodimi (Navoiy viloyati)

Yusupov Jasurbek Muratbekovich – Oʻzbekiston Respublikasi Mudofaa vazirligining harbiy qismi uchuvchi-shturmani (Namangan viloyati)

Urunov Asadbek Davlatali oʻgʻli – Toshkent shahridagi Turin politexnika universitetining 4-bosqich talabasi (Namangan viloyati)

Elmurotov Shahzod Hamza oʻgʻli – Oʻzbekiston Respublikasi Milliy gvardiyasining Surxondaryo viloyati boʻyicha boshqarmasi harbiy qismi guruh komandiri (Samarqand viloyati)

Arziqulov Fazliddin Faxriddin oʻgʻli – Toshkent davlat texnika universitetining 2-bosqich magistranti (Samarqand viloyati)

Valijonov Azizbek Farhod oʻgʻli -Toshkent tibbiyot akademiyasining 6-bosqich talabasi (Sirdaryo viloyati)

Qulbolayev Asadullo Komil oʻgʻli – Boyovut tumanidagi 1-sport maktabining jang sanʼati boʻyicha murabbiysi (Sirdaryo viloyati)

Boboyev Nabi Tohir oʻgʻli – Axborot-kommunikatsiya texnologiyalari va aloqa harbiy institutining katta oʻqituvchisi (Surxondaryo viloyati)

Islomov Inomjon Umidjon oʻgʻli – Shoʻrchi tumanidagi 125-koʻzi ojiz va zaif koʻruvchi bolalar uchun ixtisoslashtirilgan maktab-internatining 11-sinf oʻquvchisi (Surxondaryo viloyati)

Guliyev Artur Marlenovich – Baydarka va kanoeda eshkak eshish boʻyicha Oʻzbekiston milliy terma jamoasi aʼzosi (Toshkent viloyati)

Saparov Javoxirbek Xikmatjon oʻgʻli – Toshkent viloyati Favqulodda vaziyatlar boshqarmasining yongʻin-qutqaruv qismi qutqaruvchi-yongʻin oʻchiruvchisi (Toshkent viloyati)

Maxmudov Sodirjon Abdullajon oʻgʻli – Oʻzbekiston Respublikasi Davlat xavfsizlik xizmatining Chegara qoʻshinlari harbiy xizmatchisi (Fargʻona viloyati)

Oʻlmasov Ahadjon Akramjon oʻgʻli – Fargʻona politexnika institutining tayanch doktoranti (Fargʻona viloyati)

Sabirov Azizbek Davronbekovich – Oʻzbekiston davlat sanʼat va madaniyat institutining 4-bosqich talabasi (Xorazm viloyati)

Yoʻldoshov Ogʻabek Neʼmatjon oʻgʻli – Xiva shahridagi Prezident maktabining 11-sinf oʻquvchisi (Xorazm viloyati)

Nazarov Azizbek Farrux oʻgʻli – Toshkent tibbiyot akademiyasining 1-bosqich talabasi (Toshkent shahri)

Svechnikov Vladimir Aleksandrovich – Oʻq otish boʻyicha Oʻzbekiston milliy terma jamoasi aʼzosi (Toshkent shahri)