Narpay tumanida oʻtkazilgan xalq deputatlari tuman Kengashining navbatdan tashqari sessiyasida Narpay tumaniga yangi hokim saylandi.

Sessiyada deputatlar tomonidan Buranov Sherbek Erkinovich nomzodi Narpay tumani hokimi lavozimiga tasdiqlangan.

2020-yildan buyon tumanga rahbarlik qilib kelgan Raxmanov Sherzod esa boshqa ishga oʻtayotganligi sababli tuman hokimi lavozimidan ozod etilgan.

Maʼlumot uchun, Sherbek Buranov 1985-yilda Samarqand viloyati Narpay tumanida tugʻilgan.

2003-yildan boshlab bank tizimida turli lavozimlarda faoliyat olib borgan.

U 2021-yildan buyon Oʻzbekiston Respublikasi Oliy Majlisi Qonunchilik palatasi Korrupsiyaga qarshi kurashish va sud-huquq masalalari qoʻmitasining aʼzosi hisoblanadi.