Oʻtgan 4 yil davomida (2020–2023-yillar) Davlat xizmatini rivojlantirish agentligi davlat fuqarolik xizmati vakant lavozimlariga yagona ochiq portal — vacancy.argos.uz orqali 66 ming kadr ochiq tanlov orqali davlat xizmatiga qabul qilingan.

Maʼlum boʻlishicha, oʻtkazilgan 180 ta tanlovda jami 2,8 mln kishi ishtirok etgan.

Shu hisobda, har bir vakant lavozimga 50 nafargacha nomzod toʻgʻri kelgan.

Maʼlumot uchun, vacancy.argos.uz portalida davlat organlari, tashkilotlari va mahalliy hokimliklardagi vakant oʻrinlarga ochiq tanlovlar eʼlon qilib boriladi.