Pekinda tashkil etilgan “30-Xalqaro kitob koʻrgazmasi” doirasida Oʻtkir Hoshimovning “Nur borki, soya bor” asari taqdimoti boʻlib oʻtdi.

Mazkur asar xorijda faoliyat yuritib kelayotgan oʻzbekistonlik ayol, Dildora Ismoilova tomonidan xitoy tiliga tarjima qilingan.

Tadbirda elchixona, Xitoy Xalq Respublikasining matbuot muassasalari, nashriyot va bosmaxona vakillari, adabiyotshunos olimlar ishtirok etgan.

Xabarga koʻra, hozirda tarjimon oʻzbek tilidagi boshqa asarlarni ham xitoy tiliga tarjima qilib, xorijda ham ommalashtirishni rejalashtirmoqda. Oʻzbekiston elchixonasi esa mazkur tarjima asarlarni nashr qilishni oʻz zimmasiga olgan.