Uzbekistan Airways aviakompaniyasi Airbus A320neo samolyotida Toshkentdan Zominga (Jizzax viloyati) texnik reysni amalga oshirdi.

22-iyun kuni Uzbekistan Airways aviakompaniyasi uchish-qo‘nish yo‘lagi rekonstruksiya qilinganidan so‘ng Airbus A320neo samolyotida Toshkentdan Zominga (Jizzax viloyati) texnik reysni amalga oshirdi. Bu haqda kompaniya matbuot xizmati xabar berdi.

O‘zbekiston Transport vazirligi matbuot xizmati yaqin kunlarda Zominga magistral havo kemalarida parvozlar muntazam yo‘lga qo‘yilishini ma’lum qildi.

Zomin aeroporti 2023-yil kuzida foydalanishga topshirilgan va avvalroq Let L-410 tipidagi yengil samolyotlarni qabul qilayotgandi.