Oʻqishni koʻchirish uchun qabul rasman 15-iyuldan boshlanadi.

Bu haqida Oliy taʼlim, fan va innovatsiyalar vazirligi matbuot kotibi maʼlum qilgan.

Xabarga koʻra, oʻqishni koʻchirish uchun arizalar Bilimni baholash agentligining my.uzbmb.uz sayti orqali 5-avgustga qadar qabul qilinadi.

Taʼkidlash lozim, Oʻzbekistonning oʻzidagi xorijiy va xususiy OTM talabalari ham davlat OTMga oʻtish uchun imtihon topshirishi mumkin.

Oʻtish ballini toʻplolmaganlar “super-kontrakt” bilan OTMga qabul qilinadi.

Eslatma. Abituriyentlarga oʻqishga kirishda beriladigan imtiyozlar oʻqishni koʻchiradiganlar uchun amal qilmaydi.