“Mahalla yettiligi” vakillari har chorakda fuqarolar oldida hisobot beradi.

Bu Vazirlar Mahkamasining 2024-yil 13-iyunda qabul qilgan 334-sonli qarorida koʻrsatib oʻtilgan.

Hujjatga koʻra, “mahalla yettiligi” aʼzolari, alohida-alohida oʻz faoliyatining barcha yoʻnalishlari boʻyicha amalga oshirilayotgan ishlar toʻgʻrisida batafsil jamoatchilikni xabardor qiladi.

Bunda hisobotlar fuqarolar yigʻinida har chorak yakuni boʻyicha keyingi oyning 10-sanasigacha eshitiladi.

Jamoatchilikka beriladigan hisobotning “yettilik” boʻyicha taqsimoti quyidagicha:

Mahalla raisi

Hokim yordamchisi

Yoshlar yetakchisi

Xotin-qizlar faoli

Profilaktika inspektori

Ijtimoiy xodim

Soliq inspektori

Qaror bilan, shuningdek, koʻchaboshi va uyboshilar faoliyatini tashkil etish tartibi toʻgʻrisidagi namunaviy nizom ham tasdiqlangan.